സന്തോഷ് ആലങ്കോടിനെ സംസ്കാര സാഹിതി പൊന്നാനി നിയോജക മണ്ഡലം കമ്മറ്റി അനുമോദിച്ചു.
വാദ്യകലാരംഗത്ത് നൽകിയ സമഗ്രസംഭാവനകൾക്ക് കേരള ക്ഷേത്രവാദ്യകലാ അക്കാദമിയുടെ വാദ്യോപാസന പുരസ്കാരം നേടിയ സോപാനം സ്കൂൾ ഓഫ് പഞ്ചവാദ്യം ഡയറക്ടർ സന്തോഷ് ആലങ്കോടിനെ സംസ്കാര സാഹിതി പൊന്നാനി നിയോജക മണ്ഡലം കമ്മറ്റി അനുമോദിച്ചു. ചെയർമാൻ ടി.പി.ശബരിഷ് കുമാർ അധ്യക്ഷതവഹിച്ചു.
യു.ഡി.എഫ്. മലപ്പുറം ജില്ലാ ചെയർമാൻ പി.ടി. അജയ് മോഹൻ ഉദ്ഘാടനം ചെയ്തു.
പ്രണവം പ്രസാദ്, അടാട്ട് വാസുദേവൻ, ഷാജി കാളിയത്തേൽ, ടി.പി. കേരളീയൻ, സുരേഷ് പാട്ടത്തിൽ , യൂസഫ് ഷാജി, കെ. മുനീർ തുടങ്ങിയവർ പ്രസംഗിച്ചു.
