പെരുമ്പിലാവ് ജംഗ്ഷൻ ഓട്ടോ പാർക്കിൽ മാധ്യമം വായനാ പദ്ധതിക്ക് തുടക്കമായി
പെരുമ്പിലാവ്:ജംഗ്ഷനിലെ ഓട്ടോ പാർക്കിൽ മാധ്യമം വായനാ പദ്ധതിക്ക് തുടക്കമായി. തനിമ പെരുമ്പിലാവ് ചാപ്റ്റർ പ്രസിഡൻ്റ് ഷഹീദ് പാലിയത്ത് ഓട്ടോ തൊഴിലാളി യൂണിയൻ അംഗം വി.കെ. മുസ്തഫയ്ക്ക് പത്രം കൈമാറി കൊണ്ട് ഉദ്ഘാടനം നിർവ്വഹിച്ചു. എ.കെ. മുരളി അധ്യക്ഷത വഹിച്ചു. മാധ്യമം ഏരിയ കോർഡിറേറ്റർ എം.എ. കമറുദീൻ, മാധ്യമം സി ഡി ഒ അബ്ദുൾ റസാഖ്, മീഡിയവൺ കോഡിനേറ്റർ എ.കെ. അബ്ദുൾ കരീം ,തനിമ സെക്രട്ടറി മുജീബ് പട്ടേൽ , പൊതു പ്രവർത്തകരായ എം.എൻ. സലാഹുദീൻ , എൻ എച്ച് കാസിം , ഓട്ടോ തൊഴിലാളികളായ പി.ആർ.ശിവൻ , ഡേവിഡ് സി.ഐ , കൃഷ്ണൻ കെ.ടി , സിദ്ദീഖ് ടി.എം , ലിൻസൻ റ്റി പി എന്നിവർ പങ്കെടുത്തു. ദുബായിലെ അൽ നഹ്ദ മെഡിക്കൽ ഫിറ്റ്നസ് സെൻ്റർ ലാബോറട്ടറി ചീഫ് ഇൻചാർജ് താഹിറ ലിയാക്കത്ത് അലിയാണ് പെരുമ്പിലാവിലെ മൂന്ന് ഓട്ടോ പാർക്കുകളിലേക്കായി മാധ്യമം ദിനപത്രം പദ്ധതിയുമായി സഹകരിച്ചത്.
