നഗരസഭക്കെതിരേ കോൺഗ്രസിന്റെ കാൽനട ജാഥ
വടക്കാഞ്ചേരി : നഗരസഭ ഭരണത്തിനെതിരേ കോൺഗ്രസ് മുണ്ടത്തിക്കോട് മണ്ഡലം കമ്മിറ്റിയുടെ രണ്ടു ദിവസത്തെ കാൽനടജാഥ തുടങ്ങി. മണ്ഡലം പ്രസിഡന്റ് സി.എച്ച്. ഹരീഷ് നയിക്കുന്ന ജാഥ ഡി.സി.സി. ജനറൽ സെക്രട്ടറി ജിജോ കുര്യൻ ഉദ്ഘാടനം ചെയ്തു.
നഗരസഭ പ്രതിപക്ഷ നേതാവ് കെ. അജിത് കുമാർ മുഖ്യപ്രഭാഷണം നടത്തി. കെ.ടി. ജോയ്, എം. പരമേശ്വരൻ, ബാബു കണ്ണനായ്‌ക്കൽ, എ.പി. ദേവസി, ശശിമംഗലം, ബാബുരാജ് കണ്ടേരി, ബിജു ഇസ്മായിൽ കൗൺസിലർമാരായ സന്ധ്യ കൊടക്കാടത്ത്, കെ. ഗോപാലകൃഷ്ണൻ, ഡോ. ജോയൽ മഞ്ഞില, കെ.എം. ഉദയബാലൻ, രമണി പ്രേമദാസൻ, പ്രകാശൻ കുന്നൂർ, ബിജീഷ് ഭാസ്കരൻ, നിജി ബാബു തുടങ്ങിയവർ നേതൃത്വം നൽകി.
മാസ്റ്റർ പ്ലാൻ അംഗീകാരം വാങ്ങി പ്രസിദ്ധീകരിക്കുക, നഗരസഭയിലെ വികസന സ്തംഭനം ഒഴിവാക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു ജാഥ.
