മുതലപ്പൊഴിയില് മത്സ്യബന്ധന വള്ളം മറിഞ്ഞു ; തൊഴിലാളികള് നീന്തി രക്ഷപ്പെട്ടു
തിരുവനന്തപുരം: മുതലപ്പൊഴിയില് വീണ്ടും ശക്തമായ തിരയില്പ്പെട്ട് മത്സ്യബന്ധന വള്ളം മറിഞ്ഞു.
കടലിലേക്ക് വീണ രണ്ട് മത്സ്യ തൊഴിലാളികള് നീന്തി രക്ഷപ്പെട്ടു. ഇന്ന് 9.30 ഓടെയാണ് അപകടമുണ്ടായത്.
പൂന്തുറ സ്വദേശി ജിജു ദേവസ്യയുടെ ഉടമസ്ഥതയിലുള്ള വള്ളത്തിലെ തൊഴിലാളികളായ പത്രോസ്, ഇർഷാദ് എന്നിവരാണ് അപകടത്തില്പ്പെട്ടത്. ഇവരെ ചിറയൻകീഴ് താലൂക്ക് ആശുപത്രിയില് പ്രവേശിപ്പിച്ചു.
ഇവരുടെ ആരോഗ്യത്തില് പ്രതിസന്ധിയില്ലെന്നാണ് ആശുപത്രി അധികൃതർ അറിയിച്ചിരിക്കുന്നത്.
