റോഡിന്റെ ശോചനീയാവസ്ഥ'എറവറാംകുന്ന് യു.ഡിഎഫ് കമ്മിറ്റി പ്രതിഷേധ പ്രകടനം നടത്തി
ചങ്ങരംകുളം:ആലങ്കോട് പഞ്ചായത്തിലെ എറവറാംകുന്ന് റോഡിന്റെ ശോചനീയാവസ്ഥ പരിഹരിക്കണമെന്നാവശ്യപ്പെട്ട് യു.ഡി.എഫിന്റെ നേതൃത്വത്തിൽ പ്രതിഷേധ പ്രകടനം നടത്തി.കുടി വെള്ള പൈപ്പ് ലൈനിന് വേണ്ടി കീറിയ റോഡിൽ വലിയ കരിങ്കൽ കല്ലുകൾ നിറഞ്ഞതിനാൽ റോഡിലൂടെ വഴി നടക്കാന്‍ പോലും കഴിയാത്ത അവസ്ഥയാണെന്നും റോഡ് ഗതാഗതയോഗ്യമാക്കാത്ത പക്ഷം പഞ്ചായത്തിലേക്ക് ജനകീയ മാര്‍ച്ച് അടക്കമുള്ള പ്രതിഷേധ പരിപാടികള്‍ക്ക് രൂപം നല്‍കുമെന്നും യുഡിഎഫ് നേതാക്കള്‍ പറഞ്ഞു.മുസ്ലിം ലീഗ് പഞ്ചായത്ത് പ്രസിഡന്റ് എം.കെ അൻവർ ഉദ്ഘാടനം ചെയ്തു.മണ്ഡലം കോൺഗ്രസ് പ്രസിഡന്റ് രഞ്ജിത്ത് അടാട്ട് മുഖ്യപ്രഭാഷണം നടത്തി.ഫാദിഹ് കെ.ബി അധ്യക്ഷത വഹിച്ചു.യൂത്ത് കോൺഗ്രസ് മണ്ഡലം പ്രസിഡന്റ് സുഹൈർ എറവറാംകുന്ന് സ്വാഗതം പറഞ്ഞു.ഉമ്മർ തലാപ്പിൽ,കുറ്റിയിൽ മൂസ,ഇബ്രാഹിം. വി എം,അബ്ദുള്ളക്കുട്ടി,കെ.വി കുഞ്ഞാലി, മൂസ ഇ.എം, നൗഷാദ് കെഎം , ഇബ്രാഹിം. ഇ. എം തുടങ്ങിയവർ സംസാരിച്ചു.യാസിർ ടി.വി നന്ദി പറഞ്ഞു
