തെക്കേമഠത്തിൽ ഗുരുപൂർണിമ ആഘോഷം
തൃശ്ശൂർ : തെക്കേമഠവും ദ്വിജ ക്ഷേമം ഫൗണ്ടേഷനും ചേർന്ന് സംഘടിപ്പിച്ച ഗുരുപൂർണിമ ആഘോഷം ഗുരുവായൂർ ദേവസ്വം ചെയർമാൻ ഡോ. വി.കെ. വിജയൻ ഉദ്ഘാടനം ചെയ്തു. വേദജ്ഞനും സംസ്കൃതപണ്ഡിതനുമായ ഡോ. എൻ.കെ. സുന്ദരേശ്വരൻ മുഖ്യപ്രഭാഷണം നടത്തി. തെക്കേമഠം മാനേജർ വടക്കുമ്പാട് നാരായണൻ അധ്യക്ഷനായി. വേദസൂക്ത ക്ലാസും തുടങ്ങി. വേദപണ്ഡിതരായ കോതമംഗലം വാസുദേവൻ നമ്പൂതിരി, പൂരാടം നീലകണ്ഠൻ നമ്പൂതിരി, പഴങ്ങാപ്പറമ്പ് ഹരി നാരായണൻ, കൗൺസിലർ പൂർണിമ സുരേഷ്, ഓൾ കേരള ബ്രാഹ്മണ ഫെഡറേഷൻ ജനറൽ സെക്രട്ടറി ടി.എൻ മുരളീധരൻ എന്നിവരെ ആദരിച്ചു.
