മിഷൻ അര്‍ജുൻ; ജില്ലാ കളക്ടര്‍ ഇന്ന് റിപ്പോര്‍ട്ട് നല്‍കും
ബംഗളൂരു: ഷിരൂരില്‍ മണ്ണിടിഞ്ഞ് കാണാതായ ട്രക്ക് ഡ്രൈവർ അർജുനായുള്ള തിരച്ചില്‍ ഇന്നും തുടരും. ഗംഗാവലി പുഴയില്‍ കൂടുതല്‍ പോയിന്‍റുകളില്‍ മത്സ്യത്തൊഴിലാളിയായ ഈശ്വർ മല്‍പെയും സംഘവും ഇന്നും തിരച്ചില്‍ നടത്തും.
ദൗത്യത്തിന്‍റെ പുരോഗതിയില്‍ ജില്ലാ കളക്ടർ ഇന്ന് സർക്കാരിന് റിപ്പോർട്ട് നല്‍കും. ഈശ്വർ മല്‍പെ നാവിക സേനയുടെ സഹായത്തോടെ നിരവധി തവണ പുഴയില്‍ മുങ്ങിയെങ്കിലും ട്രക്ക് കണ്ടെത്താനായില്ല. ഒരു തവണ ബന്ധിപ്പിച്ചിരുന്ന കയർ പൊട്ടി ഒഴുക്കില്‍പ്പെട്ട ഈശ്വറിനെ നാവികസേനയാണ് രക്ഷപ്പെടുത്തിയത്.
പുഴയുടെ നടുഭാഗത്ത് കഴിഞ്ഞ ദിവസം സിഗ്നല്‍ കിട്ടിയ നാലാം പോയിന്‍റില്‍ ചെളിയും പാറയും മാത്രമാണെന്ന് ജില്ലാ കളക്ടർ ലക്ഷ്മിപ്രിയ പറഞ്ഞു.
