ഷെൽട്ടർ കാരുണ്യ ദിനത്തിൽ പ്രാർഥനാ സദസ്സും പെൻഷൻ വിതരണവും നടത്തി
അഞ്ചങ്ങാടി : ഷെൽട്ടർ ചാരിറ്റബിൾ സൊസൈറ്റിയുടെ ആഭിമുഖ്യത്തിൽ 14 വർഷക്കാലമായി നടത്തിവരുന്ന സ്നേഹനിധി പ്രതിമാസ പെൻഷൻ 150-ാം മാസം വിതരണം സംഘടിപ്പിച്ചു. കടപ്പുറം ഗ്രാമപഞ്ചായത്ത് കുടുംബശ്രീ ഹാളിൽ നടന്ന ചടങ്ങ് ഷെൽട്ടർ ഗൾഫ് ചാപ്റ്റർ ട്രഷറർ സി. എസ്. ഹുസൈൻ ഉദ്ഘാടനം ചെയ്തു. സഹായിക്കുന്നവർക്കും സഹകരിക്കുന്നവർക്കുമായി പ്രത്യേകം പ്രാർഥന നടത്തി. പ്രാർഥനക്ക് അഞ്ചങ്ങാടി മഹല്ല് ഖത്തീബ് നേതൃത്വം നൽകി.
