ആർ.വി. അലിക്ക്‌ പൗരാവലിയുടെ ആദരം
ഗുരുവായൂർ : നവതിയിലെത്തിയ പൊതുപ്രവർത്തകനും സ്‌നേഹ സ്പർശം കൂട്ടായ്മയുടെ പ്രസിഡന്റുമായ ആർ.വി. അലി ക്ക്‌ പൗരാവലിയുടെ ആദരം. സാഹിത്യ അക്കാദമി വൈസ് പ്രസിഡന്റ് അശോകൻ ചെരുവിൽ ഉദ്ഘാടനം ചെയ്തു.
നഗരസഭാ ചെയർമാൻ എം. കൃഷ്ണദാസ് അധ്യക്ഷനായി. ആർ.വി. അലിയുടെ ' ഇന്നലെ ഇന്ന്' എന്ന പുസ്തകത്തിന്റെ പ്രകാശനം എൻ.കെ. അക്ബർ എം.എൽ.എ. നിർവഹിച്ചു. കവി രാധാകൃഷ്ണൻ കാക്കശ്ശേരി ഏറ്റുവാങ്ങി.
ചലച്ചിത്രകാരൻ പി.ടി.കുഞ്ഞുമുഹമ്മദും ചാവക്കാട് നഗരസഭ ചെയർപേഴ്‌സൺ ഷീജാ പ്രശാന്തും മുഖ്യാതിഥികളായി.
അനീഷ്മ ഷനോജ്, കെ.പി. ഉദയൻ, ആർ.വി. ഷെരീഫ്, ആർ.കെ. ജയരാജ്, ജി.കെ. പ്രകാശൻ, ടി.ടി. ശിവദാസൻ തുടങ്ങിയവർ പ്രസംഗിച്ചു. മണലൂർ ഗോപിനാഥിന്റെ ഓട്ടൻതുള്ളലും കലാപരിപാടികളും ഉണ്ടായി.
