പ്രാർഥനാസമരം നടത്തി ലോറി ഓപ്പറേറ്റേഴ്സ് അസോസിയേഷൻ
തൃശ്ശൂർ : കർണാടകയിൽ മണ്ണിനടിയിൽപ്പെട്ട അർജുനെ രക്ഷിക്കണമെന്ന ആവശ്യവുമായി ലോറി ഓപ്പറേറ്റേഴ്സ് അസോസിയേഷൻ കോർപറേഷൻ ഓഫീസിനു മുന്നിൽ മുട്ടുകുത്തിനിന്ന് പ്രാർഥനാസമരം നടത്തി. രക്ഷാദൗത്യം വൈകുന്നുവെന്നാരോപിച്ചായിരുന്നു പ്രതിഷേധം.
അസോസിയേഷൻ ജില്ലാ പ്രസിഡന്റ് പി.കെ. ജോൺ ഉദ്ഘാടനം ചെയ്തു. സെക്രട്ടറി പി.ആർ. ശരവണൻ, പി.ജെ. വർഗീസ്, സനൽ, സതീഷ് എന്നിവർ പ്രസംഗിച്ചു. അർജുനെ രക്ഷിക്കുന്നതുവരെ പ്രതിഷേധം തുടരുമെന്ന് അസോസിയേഷൻ അറിയിച്ചു.
