വേനല്‍; യു എ ഇയില്‍ ജുമുഅക്ക് പുതിയ ക്രമീകരണം
അബൂദബി | ഇന്ന് വെള്ളിയാഴ്ച മുതല്‍ ഒക്ടോബര്‍ ആരംഭം വരെ രാജ്യത്തെ എല്ലാ പള്ളികളിലും ജുമുഅ ക്രമീകരണം വരുത്തിയതായി ജനറല്‍ അതോറിറ്റി ഫോര്‍ ഇസ്‌ലാമിക് അഫയേഴ്സ്, എന്‍ഡോവ്മെന്റ്‌സ് അറിയിച്ചു. പ്രഭാഷണങ്ങള്‍ ഹ്രസ്വമാക്കാനും പ്രാര്‍ഥനയോടെയുള്ള ചടങ്ങുകള്‍ പത്ത് മിനുട്ടിനകം തീര്‍ക്കാനും അതോറിറ്റി പ്രഭാഷകരോട് ആവശ്യപ്പെട്ടു.
താപനില ഉയരുന്ന വേനല്‍ സാഹചര്യത്തില്‍ ആരാധകര്‍ക്ക് സുരക്ഷ ഉറപ്പാക്കാനും പള്ളികളിലെത്തുന്നവര്‍ക്ക് ബുദ്ധിമുട്ടുകള്‍ ഒഴിവാക്കാനുമാണ് നടപടി. ആരോഗ്യം സംരക്ഷിക്കുന്നതും സുഗമമാക്കലും നമ്മുടെ യഥാര്‍ഥ ഇസ്‌ലാമിക മതത്തിന്റെ സ്ഥാപിത സമീപനമാണെന്ന് അതോറിറ്റി പ്രസ്താവിച്ചു.
ജുമുഅക്ക് എത്തുന്നവര്‍ക്ക് ആവശ്യമായ എല്ലാ സൗകര്യങ്ങളും നല്‍കാനും ആരാധകര്‍ക്ക് സുഖപ്രദമായ അന്തരീക്ഷം ഒരുക്കാനുമുള്ള താത്പര്യം അതോറിറ്റി പ്രത്യേകം വ്യക്തമാക്കി.
