കോട്ടപ്പടി പിള്ളക്കാട് ഉപ്പു തോട് സെൻ്ററിൽ മരക്കൊമ്പ് പൊട്ടിവീണ് അപകടം;ഒഴിവായത് വൻ ദുരന്തം
ഗുരുവായൂർ:കോട്ടപ്പടി പിള്ളക്കാട് ഉപ്പു തോട് സെൻ്ററിൽ മരക്കൊമ്പ് പൊട്ടിവീണ് അപകടം.ഒഴിവായത് വൻ ദുരന്തം.ഇന്ന് രാവിലെ 9 മണിയോടെയാണ് മരക്കൊമ്പ് പൊട്ടിവീണത്.അപകടത്തിൽ സമീപത്തെ കടയുടെ നെയിംബോർഡിന് കേട് പാട് സംഭവിച്ചു.സ്കൂൾ കുട്ടികളടക്കം നിരവധി വാഹനങ്ങൾ കടന്നു പോകുന്ന സെൻ്ററാണിത്.ഒരു മാസം മുൻപ് ഇടിവെട്ടേറ്റ് ഉണങ്ങിയ മരത്തിൻ്റെ കൊമ്പാണ് പൊട്ടിവീണത്. മരം നില്ക്കുന്നത് ട്രാൻസ്ഫോർമറിനരികെ. ഗുരുവായൂർ നഗരസഭക്കും കെ എസ് ഇ ബി അധികൃതർക്കും പ്രതികരണവേദി പ്രവർത്തകർ പരാതി നല്കിയെങ്കിലും മരംമുറിച്ചു മാറ്റാൻ നടപടിയുണ്ടായില്ലെന്ന് ഇവർ പറഞ്ഞു
