അവസാനിക്കാത്ത ആകാശച്ചതികള്‍; ഐ സി എഫ് ജനകീയ സദസ്സ് ഞായറാഴ്ച
അബൂദബി | ‘അവസാനിക്കാത്ത ആകാശച്ചതികള്‍’ എന്ന ശീര്‍ഷകത്തില്‍ ഇന്ത്യന്‍ കള്‍ച്ചറല്‍ ഫൗണ്ടേഷന്‍ ( ഐ സി എഫ്) അബൂദബി സെന്‍ട്രല്‍ കമ്മിറ്റി ജനകീയ സദസ്സ് സംഘടിപ്പിക്കും.
ജൂണ്‍ 30 ഞായറാഴ്ച വൈകിട്ട് ഏഴിന് അബൂദബി മെഡിയോര്‍ ആശുപത്രിക്കു സമീപത്തെ ഇന്ത്യന്‍ ഇന്റര്‍നാഷണല്‍ സെന്ററി (ഐ ഐ സി സി) ലാണ് പരിപാടി.
മാധ്യമ പ്രവര്‍ത്തകരായ റാശിദ് പൂമാടം (സിറാജ്), അശ്വിനി കുമാര്‍ (ഖലീജ് ടൈംസ്), എ കെ ബീരാന്‍ കുട്ടി (കേരള സോഷ്യല്‍ സെന്റര്‍), വി ഐ കെ അബ്ദുല്ല (ഇസ്‌ലാമിക് സെന്റര്‍), ടി വി സുരേഷ് കുമാര്‍ (മലയാളി സമാജം), മുഹമ്മദ് കുഞ്ഞി (കെ എം സി സി ), പി എം ഫാറൂഖ് ( ഐ എം സി സി), ഹമീദ് പരപ്പ (ഐ സി എഫ്), ശുഐബ് അമാനി കയരളം (ആര്‍ എസ് സി), അസൈനാര്‍ അമാനി (കെ സി എഫ്), പ്രകാശന്‍ പള്ളിക്കാട്ടില്‍ പ്രസംഗിക്കും. പ്രവാസികള്‍ അനുഭവിക്കുന്ന യാത്രാ ദുരിതം ചര്‍ച്ച ചെയ്യുന്ന സദസ്സില്‍ സഈദ് അസ്ഹരി മോഡറേറ്ററായിരിക്കും.
