അനധികൃത മദ്യ വില്പന; മഴുവഞ്ചേരി സ്വദേശി എക്സൈസിന്റെ പിടിയിൽ.
കുന്നംകുളം:ആറര ലിറ്റർ ഇന്ത്യൻ നിർമ്മിത വിദേശ മദ്യവുമായി മഴുവഞ്ചേരി സ്വദേശി പിടിയിൽ. മഴുവഞ്ചേരി പൊടിയട വീട്ടിൽ ബിനീഷിനെയാണ് കുന്നംകുളം എക്സൈസ് അറസ്റ്റ് ചെയ്തത്. എക്സൈസ് ഇൻസ്പെക്ടർ പി.ഹരീഷിന് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിലാണ് മദ്യവുമായി ബിനീഷ് പിടിയിലായത്. ബിവറേജസ് ഔട്ട്ലെറ്റുകളിൽ നിന്ന് മദ്യം വാങ്ങി സൂക്ഷിച്ച് ആവശ്യക്കാർക്ക് വിൽപ്പന നടത്തി വരികയായിരുന്നു. എക്സൈസ് കുന്നംകുളം റേഞ്ച് അസിസ്റ്റൻ്റ് ഇൻസ്പെക്ടർമാരായ പി.ജി. ശിവശങ്കരൻ, എ.സി. ജോസഫ്, മോഹൻദാസ് സുനിദാസ്, രാജു, സിവിൽ എക്സൈസ് ഓഫീസർമാരായ ഗണേശൻ പിള്ള, ശ്രീജിത്ത് എന്നിവരുൾപ്പെട്ട സംഘത്തിൻ്റെ നേതൃത്വത്തിലായിരുന്നു പരിശോധന നടത്തി പ്രതിയെ പിടി കൂടിയത്.