ഇത്തിഹാദ് ഈ വര്‍ഷം നൂറുകണക്കിന് ജീവനക്കാരെ നിയമിക്കും
അബൂദബി | യു എ ഇയുടെ ദേശീയ വിമാനക്കമ്പനിയായ ഇത്തിഹാദ് എയര്‍വേയ്‌സ് ഈ വര്‍ഷം നൂറുകണക്കിന് പൈലറ്റുമാരെ റിക്രൂട്ട് ചെയ്യാന്‍ ഒരുങ്ങുന്നു.
ഇവര്‍ക്കായി ജൂണ്‍ 29 ന് ലാര്‍നാക്ക, സൈപ്രസ്, കൂടാതെ ബള്‍ഗേറിയ, അല്‍ബേനിയ, റൊമാനിയ, ഹംഗറി, പോളണ്ട്, ലിത്വാനിയ എന്നിവിടങ്ങളിലെ ഏഴ് നഗരങ്ങളില്‍ ജൂലൈ 13 വരെ അന്താരാഷ്ട്ര റിക്രൂട്ട്മെന്റ് റോഡ്‌ഷോ നടത്തും.
റോഡ്‌ഷോകളില്‍ പങ്കെടുത്തോ അല്ലെങ്കില്‍ careers.etihad.com-ല്‍ സൈന്‍ അപ്പ് ചെയ്‌തോ അപേക്ഷകര്‍ക്ക് രജിസ്റ്റര്‍ ചെയ്യാം. മറ്റു സ്ഥലങ്ങളിലും തുടര്‍ന്ന് റിക്രൂട്ട്മെന്റ് ഡ്രൈവുകള്‍ ഉണ്ടാവും.
