മാറഞ്ചേരിയിലും എരമംഗലത്തും വെളിയങ്കോട്ടുമായി നടന്ന മോഷണം കേസുകളിലെ പ്രതി പോലീസ് പിടിയിൽ
മാറഞ്ചേരി : ആളില്ലാത്ത വീടുകൾ കുത്തി തുറന്നും അമ്പലങ്ങളിലെ ഭണ്ഡരങ്ങൾ പൊളിച്ചും മോഷണം നടത്തി വന്ന തമിഴ്നാട് സ്വദേശി പൊലിസ് പിടിയിൽ.പെരുമ്പടപ്പ് സ്റ്റേഷൻ പരിധിയിൽ മാറഞ്ചേരി,പഴഞ്ഞി, എരമംഗലം, വെളിയങ്കോട് മേഖലകളിൽ ആളില്ലാത്ത വീടുകൾ കേന്ദ്രീകരിച്ചും അമ്പലങ്ങൾ കേന്ദ്രീകരിച്ചും മോഷണം നടത്തിയ തമിഴ്നാട് പാപനാശം സ്വദേശി കണ്ണൻ എന്ന് വിളിക്കുന്ന ബാലചന്ദ്രൻ (48) നാണ് പെരുമ്പടപ്പ് പോലിസിൻ്റെ പിടിയിൽ ആയത്.
സൈക്കിളിൽ സഞ്ചരിച്ച് ആളില്ലാത്ത വീടുകൾ നോക്കി വെച്ച് രാത്രിയിൽ വീട് കുത്തിത്തുറന്ന് മോഷണം നടത്തുന്നതാണ് പ്രതിയുടെ രീതി . എടപ്പാളിൽ നടന്ന മോഷണവുമായി ബന്ധപ്പെട്ട് പ്രതിയുടെ ഫോട്ടോ കണ്ടെത്തിയിരുന്നു. കണ്ടെത്തിയ ഫോട്ടോ ഫോട്ടോ വെച്ച് പെരുമ്പടപ്പ് പോലിസ് സ്റ്റേഷനിലെ സിപിഓ വിഷ്ണു നാരായണൻ നടത്തിയ പരിശ്രമങ്ങളാണ് വിജയം കണ്ടത്. നാട്ടുകാരിലേക്ക് അയച്ച് കൊടുത്ത ഫോട്ടോയിൽ നിന്നും സാമ്യമുള്ള ഒരാൾ സൈക്കിളിൽ എരമംഗലത്ത് കൂടി സഞ്ചരിക്കുന്നു എന്ന് വിവരം കിട്ടിയതിൽ പെരുമ്പടപ്പ് പോലിസ് പ്രതിയെ സാഹസികമായി പിടികൂടുകയായിരുന്നു.പ്രതിയെ പൊന്നാനി കോടതിയിൽ ഹാജരാക്കി റിമാൻഡ് ചെയ്തു.
