നിര്‍മാണത്തിലുള്ള വീടിന്റെ കോണ്‍ക്രീറ്റ് മേല്‍ക്കൂര തകര്‍ന്നു വീണ് അപകടം; രണ്ട് തൊഴിലാളികള്‍ മരിച്ചു
ആലപ്പുഴ | മാവേലിക്കരയില്‍ നിര്‍മാണത്തിലുള്ള വീടിന്റെ കോണ്‍ക്രീറ്റ് മേല്‍ക്കൂര തകര്‍ന്നു വീണ് രണ്ട് തൊഴിലാളികള്‍ മരിച്ചു. മാവേലിക്കര കല്ലുമല പുതുച്ചിറ ആനന്ദന്‍ ,ചെട്ടികുളങ്ങര പേള സ്വദേശി സുരേഷ് എന്നിവരാണ് മരിച്ചത്. ഇന്ന് ഉച്ചയോടെയാണ് അപകടം സംഭവിച്ചത്.
തൊഴിലാളികള്‍ വീടിന്റെ തട്ട് പൊളിക്കുന്നതിനിടെ കോണ്‍ഗ്രീറ്റ് മേല്‍ക്കൂര തകര്‍ന്നുവീഴുകയായിരുന്നു.അഗ്നിരക്ഷാസേനയെത്തി രക്ഷാപ്രവര്‍ത്തനം നടത്തിയെങ്കിലും ഇരുവരും സംഭവസ്ഥലത്ത് വെച്ചുതന്നെ മരിച്ചു.
