വാദ്യകലാകാരന്മാർക്ക് ഐ കാർഡ് വിതരണം
തൃശ്ശൂർ : കേരള ക്ഷേത്രവാദ്യകലാ അക്കാദമിയും അഗർവാൾ ഐ ഹോസ്പിറ്റലും സംയുക്തമായി വാദ്യകലാകാരന്മാർക്ക് നടപ്പാക്കുന്ന ഐ കാർഡ് പദ്ധതിയുടെ സംസ്ഥാനതല വിതരണോദ്ഘാടനം പെരുവനം കുട്ടൻ മാരാർ നിർവഹിച്ചു. പുല്പള്ളി വാസു വാര്യർ കാർഡ് ഏറ്റുവാങ്ങി. അക്കാദമി സംസ്ഥാന പ്രസിഡന്റ് അന്തിക്കാട് പദ്‌മനാഭൻ അധ്യക്ഷനായി.
മച്ചാട് ഹരിയെ കിഴക്കൂട്ട് അനിയൻ മാരാർ ആദരിച്ചു. ചേരാനെല്ലൂർ ശങ്കരൻകുട്ടി മാരാർ, ചെറുതാഴം ചന്ദ്രൻ, കീഴൂട്ട് നന്ദനൻ, പനങ്ങാട്ടിരി മോഹനൻ, സംസ്ഥാന ജനറൽ സെക്രട്ടറി കടമേരി ഉണ്ണികൃഷ്ണ മാരാർ, ജോ. സെക്രട്ടറി ചേന്ദമംഗലം രഘു മാരാർ എന്നിവർ പങ്കെടുത്തു.