ഒളിവിലായിരുന്ന പ്രതി എട്ട് വർഷത്തിന് ശേഷം വടക്കേക്കാട് പോലീസിൻ്റെ പിടിയിൽ
പുന്നയൂർക്കുളം: പപ്പാളി ജംഗ്ഷനിൽ വച്ച് മോട്ടോർ സൈക്കിൾ യാത്രക്കാരനെ തടഞ്ഞു നിർത്തി ആക്രമിച്ച കേസിലെ പ്രതിയായമന്ദലാംകുന്ന്
കിഴക്കൂട്ട് വീട്ടിൽ മുഹമ്മദ് മകൻ സൈനുദ്ദീൻ (45 ) വടക്കേക്കാട് പോലീസിൻ്റെ പിടിയലായി.2005 ൽ സംഭവത്തിന് ശേഷം ജാമ്യമെടുത്ത് വിദേശത്തും സ്വദേശത്തും ആയി ഒളിവിൽ കഴിയുകയായിരുന്നു.
വക്കേക്കാട് എസ് എച്ച് ഒ ആർ ബിനുവിന് ലഭിച്ച രഹസ്യ വിവരത്തിൻ്റെ അടിസ്ഥാനത്തിലാണ് മന്ദലാംകുന്നിൽ നിന്നും പ്രതിയെ അറസ്റ്റ് ചെയ്തത്.എസ് എച്ച് ഒക്കു പുറമെ എസ് ഐ തോമസ്, സിപി ഒമാരായ നിബു നെപ്പോളിയൻ,ഷാജികുമാർ എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു
