കോപ്പ 2024;
പരാഗ്വാക്കെതിരെ ബ്രസിലീന് ആധികാരിക വിജയം
ആദ്യമത്സരത്തിലെ ഗോളില്ലാ നിരാശയെ മറിക്കടക്കാനുറച്ച് ആദ്യമിനിറ്റുകള്‍ മുതല്‍ പരാഗ്വാക്കെതിരെ ആക്രമിച്ച് കളിച്ച ബ്രസീലിന് 4-1 ന്റെ ആധികാരിക വിജയം. സൂപ്പര്‍താരം വിനീഷ്യസ് ജൂനിയര്‍ രണ്ട് ഗോള്‍ കണ്ടെത്തിയ മത്സരത്തില്‍ പക്വീറ്റ പെനാല്‍റ്റി നഷ്ടപ്പെടുത്തുകയും മറ്റൊന്ന് ലക്ഷ്യത്തിലെത്തിക്കുകയും ചെയ്തു. ബ്രസീല്‍ താരത്തിനെ ചിവിട്ടിയതിന് പരാഗ്വാ താരം റെഡ് കാര്‍ഡ് കണ്ട മത്സരം അടിമുടി ആവേശകരമായിരുന്നു.ബ്രസീലിനായി വിനീഷ്യസ് ജൂനിയര്‍ ആണ് ആദ്യം ലക്ഷ്യം കണ്ടത്. പരാഗ്വാ ഗോള്‍മുഖത്ത് വെച്ച് ലുക്കാസ് പക്വേറ്റയില്‍ നിന്ന് പന്ത് സ്വീകരിച്ച വിനീഷ്യസ് ബോക്‌സിലേക്ക് കയറി അവസാന പ്രതിരോധനിര താരത്തെയും കബളിപ്പിച്ചായിരുന്നു ഗോള്‍.
