ഷഷ്ടിപൂർത്തിദിനത്തിൽ വി.ഡി. സതീശൻ ഗുരുവായൂരിൽ
ഗുരുവായൂർ : ഷഷ്ടിപൂർത്തിയിലെത്തിയ സംസ്ഥാന പ്രതിപക്ഷനേതാവ് വി.ഡി. സതീശൻ ഗുരുവായൂർ ക്ഷേത്രത്തിൽ തൊഴുതു. വെള്ളിയാഴ്ച വൈകീട്ട് ദീപാരാധനയ്ക്ക് കുടുംബസമേതമായിരുന്നു ദർശനം. ദേവസ്വത്തിന്റെ ശ്രീവത്സം ഗസ്റ്റ് ഹൗസിൽ കോൺഗ്രസ് പ്രവർത്തകർ അദ്ദേഹത്തെ ആദരിച്ചു. യു.ഡി.എഫ്. ജില്ലാ ചെയർമാൻ എം.പി. വിൻസെന്റ് പൊന്നാടയണിയിച്ചു. കേക്കുമുറിച്ച് ആശംസ നേർന്നു.
