ചങ്ങരംകുളം ചിയ്യാനൂരില്‍ പൈപ്പിടാന്‍ കുഴിച്ച കുഴിയില്‍ കാര്‍ താഴ്ന്നു
ചങ്ങരംകുളം:ചിയ്യാനൂരില്‍ പൈപ്പിടാന്‍ കുഴിച്ച കുഴിയില്‍ കാര്‍ താഴ്ന്നു.ചിയ്യാനൂര്‍ ചിറകുളത്തിന് സമീപം ചങ്ങരംകുളം റോഡില്‍ രാത്രി എട്ട് മണിയോടെയാണ് സംഭവം.മറ്റൊരു വാഹനത്തിന് സൈഡ് കൊടുക്കുന്നതിനിടെ കുഴിയില്‍ ചാടുകയായിരുന്നു.ഏറെ നേരത്തെ പരിശ്രമത്തിനൊടുവില്‍ നാട്ടുകാര്‍ ചേര്‍ന്നാണ് കാര്‍ കരക്ക് കയറ്റിയത്.കഴിഞ്ഞ ദിവസം ഇതെ സ്ഥലത്ത് മറ്റൊരു കാറും താഴ്ന്നിരുന്നു.പഞ്ചായത്തിലെ പല റോഡുകളും സമാനമായ രീതിയില്‍ പൈപ്പിടാന്‍ പൊളിച്ച് പൂര്‍വ്വ സ്ഥിതിയിലാക്കാത്തത് വലിയ പ്രതിഷേധങ്ങള്‍ക്ക് ഇടയാക്കുന്നുണ്ട്
