അബുദാബി പൊന്നാനി മണ്ഡലം കെഎംസിസി റൈസ് അപ്പ്‌ സംഗമം
അബുദാബി - പൊന്നാനി മണ്ഡലം കെഎംസിസി ഇന്ത്യൻ ഇസ്ലാമിക് സെന്ററിൽ വെച്ച് "റൈസ് അപ്പ്‌ പ്രവർത്തക സംഗമം" സംഘടിപ്പിച്ചു . പഞ്ചായത്ത് തലം മുതൽ എല്ലാ മേൽ ഘടകങ്ങളിലെയും നേതാക്കളും പ്രവർത്തകരും സംഗമത്തിൽ പങ്കെടുത്തു.
ലത്തീഫ് ഹുദവിയുടെ പ്രാർത്ഥനയോടെ ആരംഭിച്ച സംഗമം ജില്ലാ കെഎംസിസി പ്രസിഡന്റ്‌ അസീസ് കാളിയാടൻ ഉദ്ഘാടനം ചെയ്തു. മണ്ഡലം കെഎംസിസി പ്രസിഡണ്ട് അക്ബർ പുറങ്ങ് അധ്യക്ഷത വഹിച്ചു. പൊന്നാനി നിയോജക മണ്ഡലം മുസ്ലിം ലീഗ് ജനറൽ സെക്രട്ടറി സി. എം. യൂസഫ് മുഖ്യ പ്രഭാഷണം നടത്തി.
സംഗമത്തിൽ വെച്ച് എസ്എസ്എൽസി, പ്ലസ്ടു പരീക്ഷകളിൽൽ ഉന്നത വിജയം നേടിയ വിദ്യാർത്ഥികളെ മെമെന്റോ നൽകി ആദരിച്ചു .
ജില്ലാ കെഎംസിസി യുടെ ഫാമിലി വെൽഫെയർ സ്‌കീം പദ്ധതിയായ റഹ്‌മയെ കുറിച്ച് ജില്ലാ ജനറൽ സെക്രട്ടറി ഹംസക്കോയ വിശദീകരിച്ചു. ഇന്ത്യൻ ഇസ്ലാമിക് സെന്റർ മാനേജിങ് കമ്മിറ്റിയിലേക്ക് തെരെഞ്ഞെടുക്കപ്പെട്ട അഡ്വ: ശറഫുദ്ധീനെ സി. എം. യൂസുഫ് പൊന്നാട നൽകി അനുമോദിച്ചു. ഇന്ത്യൻ ഇസ്ലാമിക് സെന്റർ ജനറൽ സെക്രട്ടറി ഹിദായത്തുള്ള പറപ്പൂർ, ജില്ലാ കെഎംസിസി ട്രഷർ അഷ്‌റഫ്‌ അലി, ജില്ലാ സെക്രട്ടറി ഷാഹിദ് ചെമ്മുക്കൻ എന്നിവർ സംസാരിച്ചു .
ഡിജിറ്റൽ പ്ലാറ്റ് ഫോമിലൂടെ ജൂൺ ഒന്ന് മുതൽ ആരംഭിക്കുന്ന ഗൾഫ് ചന്ദ്രികയെ കുറിച് ജില്ലാ സെക്രട്ടറി ഷാഹിർ പൊന്നാനി സംസാരിച്ചു . സംഗമത്തിൽ പങ്കെടുത്ത മുഴുവൻ പ്രവർത്തകരും ഗൾഫ് ചന്ദ്രികയുടെ സബ്‌സ്‌ക്രിപ്‌ഷൻ ക്യാമ്പയിനിൽ പങ്കാളികളായി. ജില്ലാ കെഎംസിസി യുടെ റഹ്‌മ പദ്ധതിയുടെ മെമ്പർഷിപ്പ് ക്യാമ്പയിൻ സംഘടിപ്പിക്കുകയും അത് വഴി കൂടുതൽ പ്രവർത്തകരെ മെമ്പർമാരാക്കാനും സാധിച്ചു.
ഒട്ടനവധി വിദ്യാഭ്യാസ സ്ഥാപനങ്ങൾക്ക് നേതൃത്വം നൽകുകയും , രാഷ്ട്രീയ , മത ,സാമൂഹിക രംഗത്ത് തന്റേതായ വ്യക്തി മുദ്ര പതിപ്പിച്ച സി മുഹമ്മദ്‌ ഷരീഫ് സാഹിബിന്റെ വിയോഗത്തിൽ യോഗം അനുശോചനം രേഖപ്പെടുത്തി.
മണ്ഡലം ജനറൽ സെക്രട്ടറി നസീർ ബാബു സ്വാഗതവും, ട്രഷറർ സാലിം ഈശ്വരമംഗലം നന്ദിയും പറഞ്ഞു.
അബുദാബി പൊന്നാനി മണ്ഡലം കെ എം സി സി
