കെ.യു. കൃഷ്ണകുമാറിന് ആദരം
ഗുരുവായൂർ : ദേവസ്വം ചുമർച്ചിത്ര പഠനകേന്ദ്രം പ്രിൻസിപ്പലായി വിരമിക്കുന്ന ഡോ. കെ.യു. കൃഷ്ണകുമാറിനെ പഠനകേന്ദ്രത്തിന്റെ നേതൃത്വത്തിൽ ആദരിച്ചു. ദേവസ്വം ചെയർമാൻ ഡോ. വി.കെ. വിജയൻ ഉദ്ഘാടനം ചെയ്തു. ലളിതകലാ അക്കാദമി മുൻ ചെയർമാൻ കാട്ടൂർ നാരായണപിള്ള അധ്യക്ഷനായി.
കലാഗവേഷക പെപിത സേത്ത്, തോൽപ്പാവക്കൂത്ത് ആചാര്യൻ രാമചന്ദ്ര പുലവർ എന്നിവർ ചേർന്ന് ഉപഹാരം നൽകി.
ആർ. ഗോപാലകൃഷ്ണൻ, കെ.പി. കരുണാകരൻ, വി. അച്യുതൻകുട്ടി, ലക്ഷ്മി ശങ്കർ, എം. നളിൻ ബാബു, പ്രമോദ് കളരിക്കൽ, പി.കെ. സദാനന്ദൻ, മുരളി പുറനാട്ടുകര, വി.പി. ഉണ്ണികൃഷ്ണൻ തുടങ്ങിയവർ പ്രസംഗിച്ചു.
