റെക്കോര്‍ഡുകള്‍ വാരിക്കൂട്ടിയ അദ്രിജക്ക് കലാം ബുക്ക് ഓഫ് വേൾഡ് റെക്കോർഡും
ചങ്ങരംകുളം:കലാം ബുക്ക് ഓഫ് വേൾഡ് റെക്കോർഡ് നേടി അദ്രിജ.2021ൽ ഇന്ത്യാ ബുക്ക് ഓഫ് റെക്കോഡും 2022 ൽ ഇന്ത്യാ ബുക്ക് ഓഫ് റെക്കോർഡും ഏഷ്യാ ബുക്ക് ഓഫ് റെക്കോർഡും കരസ്ഥമാക്കിയ കുറ്റിപ്പാല സ്വദേശിനി അദ്രിജയാണ് കലാം ബുക്ക് ഓഫ് വേൾഡ് റെക്കോർഡ് കൂടി കരസ്ഥമാക്കി നാടിന് അഭിമാനമായത്‌.ഒന്നു മുതൽ 50 വരെയുള്ള സംഖ്യകളുടെ വർഗ്ഗങ്ങൾ ഒരു മിനിറ്റ് 27 സെക്കന്റ്‌ കൊണ്ട് പറഞ്ഞാണ് ഈ കൊച്ചു മിടുക്കി പുതിയ നേട്ടം കൈവരിച്ചത്.തിരൂർ ബീവറേജ് ഷോപ്പിലെ അസിസ്റ്റന്റ് മാനേജരായ രമേഷിന്റെയും വീട്ടമ്മയായ ഷീനയുടെയും ഏക മകളാണ് അദ്രിജ.ഇപ്പോൾ എ യു പി എസ് നെല്ലിശ്ശേരിയിലെ 6 -ആം വിദ്യാർത്ഥിനിയാണ് അദ്രിജ .
