മാലിന്യ ടാങ്ക് വൃത്തിയാക്കാന്‍ ഇറങ്ങിയ രണ്ടുപേര്‍ ശ്വാസംമുട്ടി മരിച്ചു; സംഭവം കോഴിക്കോട് ഇരിങ്ങാടന്‍പള്ളിയില്‍
കോഴിക്കോട് | കോവൂര്‍ ഇരിങ്ങാടന്‍പള്ളിയില്‍ മാലിന്യ ടാങ്ക് വൃത്തിയാക്കാന്‍ ഇറങ്ങിയ രണ്ടുപേര്‍ ശ്വാസംമുട്ടി മരിച്ചു. കിനാലൂര്‍ സ്വദേശി അശോകന്‍, കൂരാച്ചുണ്ട് സ്വദേശി റിനീഷ് എന്നിവരാണ് മരിച്ചത്.
മൃതദേഹങ്ങള്‍ കോഴിക്കോട് മെഡിക്കല്‍ കോളജ് മോര്‍ച്ചറിയില്‍ സൂക്ഷിച്ചിരിക്കുകയാണ്.
ഹോട്ടലിലെ മാലിന്യ ടാങ്ക് വൃത്തിയാക്കാനിറങ്ങിയവരാണ് ദുരന്തത്തിന് ഇരയായത്. രണ്ടുപേരെയും ടാങ്കില്‍ നിന്ന് പുറത്തെത്തിച്ച് ആശുപത്രിയിലെത്തിച്ചെങ്കിലും രക്ഷിക്കാനായില്ല.
