ഗ്രീസിൽ നടന്ന അന്താരാഷ്ട്ര കോൺഫറൻസിൽ പ്രബന്ധമവതരിപ്പിച്ച് ചങ്ങരംകുളം സ്വദേശിനി ഡോക്ടർ ബിസ്നി
ചങ്ങരംകുളം:മെയ് 8 മുതൽ 11 വരെ ഗ്രീസിൽ നടന്ന പതിനഞ്ചാമത് അന്താരാഷ്ട്ര എഞ്ചിനിയറിങ്ങ് കോൺഫറൻസിൽ കരിക്കുലം സങ്കീർണ്ണതകളെ കുറിച്ച് പ്രബന്ധമവതരിപ്പിച്ച് ശ്രദ്ധയാകർശിച്ച് ഡോ : ബിസ്നി.അൽ ഐനിലെ പ്രശസ്തമായ യു എ ഇ യൂണിവേഴ്സിറ്റിയിൽ നിന്ന് എഞ്ചിനിയറിങ്ങിൽ ഡോക്ടറേറ്റ് നേടി ഗവേഷണാനുബന്ധ പഠന പ്രവർത്തനങ്ങളുമായി മുന്നോട്ട് നീങ്ങവെയാണ് ബിസ്നിക്ക് ഈ അവസരം ലഭിക്കുന്നത്.എഞ്ചിനീയറിംഗ് രംഗത്തെ നൂതന ആശയങ്ങളും ഗവേഷണ പ്രബന്ധങ്ങളും ആഴത്തിൽ ചർച്ചചെയ്യപ്പെട്ട കോൺഫെറെൻസിൽ പങ്കെടുക്കാൻ കഴിഞ്ഞത് വലിയ അംഗീകാരമായി കരുതുകയാണ് ചങ്ങരംകുളം സ്വദേശി ഒരുപ്പാക്കിൽ ബദറുദ്ദീൻ്റെയും റംലയുടെയും മകളായ ബിസ്നി.ഇടപ്പാളയം അൽ ഐൻ ചാപ്ടറിന്റെ തുടക്കം മുതൽ സജീവ സാന്നിധ്യമായ ബിസ്നി,യു എ ഇ ഗോൾഡൻ വിസ ഹോൾഡർ കൂടിയാണ്.വട്ടംകുളം സ്വദേശി ഫഹദ് മോൻ ആണ് ഭർത്താവ്.
