സംസ്ഥാന പാതയില്‍ ചങ്ങരംകുളത്ത് കൂറ്റന്‍ മരം അപകടഭീഷണി ഉയര്‍ത്തുന്നതായി പരാതി
ചങ്ങരംകുളം:സംസ്ഥാന പാതയില്‍ ചങ്ങരംകുളത്ത് റോഡരികില്‍ നില്‍കുന്ന കൂറ്റന്‍ മരം അപകടഭീഷണി ഉയര്‍ത്തുന്നതായി പരാതി.തിരക്കേറിയ കുറ്റിപ്പുറം തൃശ്ശൂര്‍ സംസ്ഥാന പാതയിലേക്ക് ഏതു നിമിഷവും കടപ്പുഴകി വീഴാവുന്ന അവസ്ഥയിലാണ് പഴയ ത്രിവേണി ഹോട്ടലിന്റെ മുന്നിലായി സ്ഥിതി ചെയ്യുന്ന മരം.സംസ്ഥാന പാതയില്‍ പലയിടത്തും ഇത്തരത്തില്‍ അപകട ഭീഷണി ഉയര്‍ത്തുന്ന മരങ്ങള്‍ ഉണ്ടെന്നും മഴ കനക്കുന്നതോടെ ഇത്തരം മരങ്ങള്‍ വാഹനങ്ങള്‍ക്കും യാത്രക്കാര്‍ക്കും ഭീഷണിയാകുമെന്നും നാട്ടുകാര്‍ ആരോപിക്കുന്നുണ്ട്
