ഗുരുസ്പർശം - 2024 എടപ്പാൾ ഉപജില്ലാതല ഉദ്ഘാടനം ജനത സ്കൂളിൽ നടന്നു
എടപ്പാൾ:കെ.പി.എസ്.ടി.എ മലപ്പുറം ജില്ലാ കമ്മിറ്റിയുടെ നിർധനരായ വിദ്യാർത്ഥികൾക്ക് ഒരു ലക്ഷം നോട്ട് പുസ്തകങ്ങൾ വിതരണം ചെയ്യുന്ന പദ്ധതിയായ "ഗുരുസ്പർശം- 2024 "ൻ്റെ എടപ്പാൾ ഉപജില്ലാ തല ഉദ്ഘാടനവും എസ്.എസ്.എൽ.സി,പ്ലസ് ടു പരീക്ഷകളിൽ ഫുൾ എ പ്ലസ് നേടിയ കുട്ടികൾക്കുള്ള അവർഡ് ദാനവും ജനത സ്കൂളിൽ നടന്നു.മലപ്പുറം ഡി.സി.സി സെക്രട്ടറി അഡ്വക്കറ്റ് സിദ്ധീഖ് പന്താവൂർ ഉദ്ഘാടനം നിർവ്വഹിച്ചു.കെ.പി.എസ്.ടി.എ എടപ്പാൾ ഉപജില്ലാ പ്രസിഡൻ്റ് കെ.എം അബ്ദുൽ ഹക്കീം അധ്യക്ഷത വഹിച്ചു. സംസ്ഥാന എക്സിക്യൂട്ടീവ് അംഗം സി.പി.മോഹനൻ മാസ്റ്റർ ഉപഹാര സമർപ്പണം നടത്തി. സി. എസ് മനോജ്, രഞ്ജിത് അടാട്ട്,എസ് .സുജ ,ഇ.ടി സിന്ധു, പി.മുഹമ്മദ് ജലീൽ, എസ്.അശ്വതി എന്നിവർ സംസാരിച്ചു.
