പെരിങ്ങോട് ഹൈസ്കൂൾ 1990-91 SSLC ബാച്ച് അനുമോദനസദസ്സ് സ്കൂൾ അങ്കണത്തിൽ സംഘടിപ്പിച്ചു.
ഒരു പിടി നല്ല നിമിഷങ്ങൾ സമ്മാനിച്ച അനുമോദന ചടങ്ങിൽ സഹപാഠികളും അവരുടെ മക്കളും പങ്കെടുത്തു.
കൺവീനർ ഉദയൻ.കെ സ്വാഗതം പറഞ്ഞു. മനോജ് PK അദ്ധ്യക്ഷനായ ചടങ്ങിൽ വിശിഷ്ടാതിഥിയും സ്കൂളിലെ മുൻ അദ്ധ്യാപകനുമായ KV രാമചന്ദ്രൻ മാഷെ ഭാരവാഹികളായ മണികണ്ഠൻ സുരേഷ് എന്നിവർ ചേർന്ന് പൊന്നാടയണിയിച്ചു. വിശിഷ്ടാതിഥി ഓർമ്മകൾ പങ്കുവെച്ച ശേഷം പഴയകാല ഓർമ്മകൾ പങ്കുവെച്ച് പാട്ടുകൾപാടി - സുനിത KM, മോഹനൻ, സീതതമ്പി എന്നിവർ പാടിയ പഴയകാല പാട്ടുകൾ പലരെയും അന്നത്തെ വിദ്യാർത്ഥികളാക്കി മാറ്റി.
ഓർമ്മകൾ പങ്കുവെച്ച് ജമാൽ കോതച്ചിറ, ഗണേശൻ പെരുമ്പള്ളി, സലീം ഭായ്, അഷറഫ്, TB ഗോവിന്ദരാജ്, അബൂബക്കർ എന്നിവരും സംസാരിച്ചു.
തുടർന്ന് വിവിധ മത്സര പരീക്ഷകളിൽ വിജയിച്ച സഹപാഠികളുടെ മക്കൾക്ക് സമ്മാനദാനവും നടന്നു. സഹപാഠികളായ വീട്ടമ്മമാരുടെയും, പ്രവാസലോകത്തെ സുഹൃത്തുക്കളുടെയും, മറ്റ് സഹപാഠികളുടെയും സഹായ സഹകരണങ്ങൾ പ്രത്യേകം സ്മരിച്ച് മണികണ്ഠൻ കെ കെ ചടങ്ങിന് നന്ദി പ്രകാശിപ്പിച്ചു.