പാറന്നൂർ സെൻ്റ് ജോസഫ്സ് പള്ളിയിലെ തിരുനാളിന് കൊടിയേറി
പാറന്നൂർ. സെൻ്റ് ജോസഫ്സ് പള്ളിയിലെ തിരുനാളിന് വികാരി ഫാ.മനോജ് താണിക്കൽ കൊടിയേറ്റി. 6, 7 തിയതികളിലാണ് തിരുനാൾ .ദിവസവും വൈകിട്ട് 5.30ന് കുർബാന, ലദീഞ്ഞ്, നൊവേന എന്നിവ ഉണ്ടാകും. 6 ന് രാവിലെ 6.30 ന് കുർബാന, ലദീഞ്ഞ്, നൊവേന, അമ്പ്, വള എഴുന്നള്ളിക്കൽ എന്നിവ നടക്കും.വൈകിട്ട് 5ന് ചിറനെല്ലൂരിൽ നിന്ന് പ്രദക്ഷിണം. രാത്രി 7 ന് പ്രദക്ഷിണം സമാപനം, ലദീഞ്ഞ്, നൊവേന, രൂപം എഴുന്നള്ളിച്ചു വെയ്ക്കൽ എന്നിവ ഉണ്ടാകും.രാത്രി 11ന് അമ്പ് ,വള എഴുന്നള്ളിപ്പ് സമാപനം.തുടർന്ന് സംയുക്ത ബാൻ്റ് വാദ്യവും ഫാൻസി വെടിക്കെട്ടും ഉണ്ടായിരിക്കും. 7 ന് രാവിലെ 6.30 ന് കുർബാന, 10 ന് പാട്ടുകുർബാനയ്ക്ക് ഫാ.ജോഷി കണ്ണമ്പുഴ മുഖ്യകാർമികത്വം വഹിക്കും.ഫാ.രഞ്ജിത്ത് അത്താണിക്കൽ സന്ദേശം നൽകും.വൈകിട്ട് 4.30ന് കുർബാന, പ്രദക്ഷിണം എന്നിവ നടക്കും. രാത്രി 7 ന് ഗാനമേളയും അരങ്ങേറും.8 ന് രാവിലെ 6.30 ന് മരിച്ചവർക്കു വേണ്ടിയുള്ള കുർബാനയും തിരുകർമങ്ങളും ഉണ്ടാകും.
തിരുനാളിൻ്റെ നടത്തിപ്പിന് വികാരി ഫാ.മനോജ് താണിക്കൽ, ജനറൽ കൺവീനർ പി.വി. റാഫി, കൈക്കാരന്മാരായ എ.ജെ.പ്രിൻസൺ, കെ.ജെ.ലിൻ്റോ എന്നിവരുടെ നേതൃത്വത്തിൽ കമ്മിറ്റിയും പ്രവർത്തിച്ചുവരുന്നു.
