ഗ്രാമകം നാടകോത്സവത്തിനോടനുബന്ധിച്ച് അഭിനയ പരിശീലനത്തിന്‌ നാളെ തുടക്കമാകും
നാടകങ്ങളുടെ ഹൃദയതുടിപ്പുകളായ നാടകക്കളരിയെ അനുസ്മരിപ്പിക്കുന്ന അഭിനയ പരിശീലനത്തിന്‌ വേലൂരില്‍ നാളെ തുടക്കമാകും. ഏപ്രില്‍ അഞ്ചു മുതല്‍ ഒന്‍പതാം തിയതിവരെ വേലൂര്‍ ഹൈസ്‌കൂള്‍ അങ്കണത്തില്‍ ആണ് നാടക അഭിനയ പരിശീലന കളരി നടക്കുന്നത്. നാടകത്തെ അടുത്തറിയുന്ന, സ്‌നേഹിക്കുന്ന ഒരു തലമുറയെ വാര്‍ത്തെടുക്കുക എന്ന ലക്ഷ്യത്തോടെയാണ് അഭിനയ പരിശീലന കളരി നടത്തുന്നത്. വേലൂര്‍ ഗ്രാമകം നാടകോത്സവത്തിനോടനുബന്ധിച്ച് തുടര്‍ച്ചയായി ഏഴാം വര്‍ഷമാണ് പരിശീലന കളരി സംഘടിപ്പിക്കുന്നത്. ജില്ലയിലെ പ്രമുഖ നാടക പ്രവര്‍ത്തകരാണ് നേതൃത്വം നല്‍കുന്നത്. അഞ്ച് ദിവസം നീണ്ടു നില്‍ക്കുന്ന കളരിയില്‍ നിരവധി പ്രമുഖര്‍ ക്ലാസുകള്‍ നയിക്കും
