ഹജ്ജോർമ്മകളിലൂടെ കൈപുസ്തകം പ്രകാശനം ചെയ്തു
എടപ്പാൾ :ഹജ്ജ് ഉംറ യാത്രികർക്ക് യാത്രയിൽ ഉടനീളം കർമ്മസഹായിയായി ഉപകരിക്കുംവിധം യാത്രാവിവരണങ്ങളോടൊപ്പം പ്രാർത്ഥനകളും ഉൾപ്പെടുത്തിയിട്ടുള്ള, എം. എ. ഹസീബ് പൊന്നാനി രചിച്ച "ഹജ്ജോർമ്മകളിലൂടെ.." പ്രകാശനം ചെയ്തു.
എടപ്പാൾ എമിറേറ്റ്സ് മാളിലെ ബാങ്ക്വറ്റ് ഹാളിൽ നടന്ന ചടങ്ങിൽ പൊന്നാനി മഖ്ദൂം സയ്യിദ് എം. പി. എം. മുത്തുക്കോയ തങ്ങൾ പൊന്നാനിയുടെ ചരിത്രകാരൻ എ.വി.അബ്ദുറഹ്മാൻ കുട്ടി മാസ്റ്റർക്ക് പുസ്തകം നൽകിയാണ് പ്രകാശനം നിർവ്വഹിക്കപ്പെട്ടത്.
പാണക്കാട് സയ്യിദ് സാദിഖലി ശിഹാബ് തങ്ങളാണ് അവതാരിക എഴുതിയിട്ടുള്ളത്.
ഹജ്ജിന്റെ പൂർണ്ണമായ പാക്കേജു വിവരണമടങ്ങുന്ന യാത്രാവിവരണത്തിനു സംസ്ഥാനത്ത് നടന്നു കൊണ്ടിരിക്കുന്ന വിവിധ ഹജ്ജ് ക്യാമ്പുകളിൽ വലിയ സ്വീകാര്യത ലഭിക്കപ്പെടുന്നു.
