ഇലക്ടറല്‍ ബോണ്ടിൽ മാത്രം സുതാര്യത വേണം! സിപിഎമ്മിന് വ്യാജ അക്കൗണ്ടുകൾ എത്രയുമാവാം
ആറ്റിങ്ങൽ: ഇലക്ടറൽ ബോണ്ടിനെതിരെ ശബ്ദമുയർത്തുന്ന സിപിഎം, രഹസ്യ അക്കൗണ്ടുകൾ എന്തിനു സൂക്ഷിക്കുന്നുവെന്നു കേന്ദ്രമന്ത്രി വി. മുരളീധരൻ. സുതാര്യത ഇലക്ടറല്‍ ബോണ്ടില്‍ മാത്രം മതിയോയെന്ന് അദ്ദേഹം ചോദിച്ചു. ‘‘തൃശൂർ ജില്ലയിൽ മാത്രം 25 അക്കൗണ്ടുകൾ മാർക്സിസ്റ്റ് പാർട്ടിക്ക് ഉണ്ടെന്ന് ഇഡി കണ്ടെത്തി. ഈ അക്കൗണ്ടുകളില്‍ കള്ളപ്പണമാണന്നു വ്യക്തം. തൃശൂരിലെ മാത്രം കണക്കാണു പുറത്തുവന്നതെന്നും സംസ്ഥാനമാകെ പരിശോധിച്ചാൽ ഇതിലും കൂടുതൽ കാണും’’ – വി.മുരളീധരൻ പറഞ്ഞു
‘‘കരുവന്നൂർ എന്നു കേട്ടാൽ മുഖ്യമന്ത്രി വാർത്താസമ്മേളനം നിർത്തി ഓടി രക്ഷപ്പെടും. മാസപ്പടിയിൽ എന്തു സേവനം നൽകി എന്ന് ഇതുവരെ വിശദീകരിച്ചിട്ടില്ല. കരുവന്നൂരിലും മാസപ്പടിയിലും ഉത്തരമില്ലാത്തവരാണ് ഇലക്ടറല്‍ ബോണ്ടിനെതിരെ പ്രചാരണം നടത്തുന്നത്. ഇഡി, ബിജെപിയുടെ ഏജൻസി അല്ല. കരുവന്നൂര്‍ സംബന്ധിച്ച വാര്‍ത്ത തെറ്റെങ്കില്‍ സിപിഎം, ഇഡിക്കെതിരെ കേസ് കൊടുക്കട്ടെ’’ – കേന്ദ്രമന്ത്രി കൂട്ടിച്ചേർത്തു.
