ലഹരിക്കെതിരെ തൃശൂർ പ്രസ്‌ക്ലബിന്റെ ക്രിക്കറ്റ് ടൂര്‍ണമെന്റ് ഇന്ന്; പ്രദർശനമത്സരത്തിൽ ജനപ്രതിനിധികളും മാധ്യമപ്രവർത്തകരും
ലഹരിക്കെതിരെ തൃശൂർ പ്രസ്‌ക്ലബ് ഒരുക്കുന്ന ക്രിക്കറ്റ് ടൂര്‍ണമെന്റ് ഇന്നു രാവിലെ എട്ടു മുതല്‍ അരണാട്ടുകര നേതാജി ഗ്രൗണ്ടില്‍ നടത്തും. ടൂര്‍ണമെന്റിനോടനുബന്ധിച്ച് നടത്തുന്ന പ്രദര്‍ശന മത്സരത്തില്‍ തൃശൂര്‍ പ്രസ്‌ക്ലബ് കോര്‍പറേഷന്‍ കൗണ്‍സിലര്‍മാരുടെ ടീമുമായി ഏറ്റു മുട്ടും. എട്ടു ടീമുകളാണ് ടൂര്‍ണമെന്റില്‍ പങ്കെടുക്കുന്നത്.
വൈകീട്ട് അഞ്ചിന് നടക്കുന്ന ചടങ്ങില്‍ കളക്ടര്‍ വി.ആര്‍. കൃഷ്ണതേജ വിജയികള്‍ക്ക് ട്രോഫികള്‍ സമ്മാനിക്കും. ജില്ലാ സ്പോര്‍ട്സ് കൗണ്‍സില്‍ പ്രസിഡന്റ് കെ.ആര്‍. സാമ്പശിവന്‍ മുഖ്യാതിഥിയായിരിക്കും. കേരള പത്രപ്രവര്‍ത്തക യൂണിയന്‍ സംസ്ഥാന പ്രസിഡന്റ് എം.വി. വിനീത, ജില്ലാ പ്രസിഡന്റ് ഒ. രാധിക തുടങ്ങിയവര്‍ പങ്കെടുക്കും.
