ജനറൽ മസ്ദൂർ സംഘം ജില്ലാ വാർഷിക സമ്മേളനം
തൃശ്ശൂർ : ജനറൽ മസ്ദൂർ സംഘം ജില്ലാ വാർഷികസമ്മേളനം ഹെഡ് ലോഡ് ആൻഡ് ജനറൽ മസ്ദൂർ ഫെഡറേഷൻ സംസ്ഥാന സെക്രട്ടറി കെ.എ. ശ്രീനിവാസൻ ഉദ്ഘാടനം ചെയ്തു. ചുമട്ടു തൊഴിലാളികൾക്ക് അർഹതപ്പെട്ട പെൻഷൻ ഉൾപ്പെടെയുള്ള ആനുകൂല്യങ്ങൾ നൽകാതെ തൊഴിലാളികളെയും കുടുംബാംഗങ്ങളെയും സംസ്ഥാനസർക്കാർ വഞ്ചിക്കുകയാണെന്ന് അദ്ദേഹം പറഞ്ഞു.
യൂണിയൻ ജില്ലാ പ്രസിഡന്റ് എസ്.കെ. സതീശൻ അധ്യക്ഷനായി. യൂണിയൻ ജനറൽ സെക്രട്ടറി സേതു തിരുവെങ്കിടം, ബി.എം.എസ്. ജില്ലാ പ്രസിഡന്റ് കെ.വി. വിനോദ്, സംസ്ഥാന സമിതി അംഗം കെ.എൻ. വിജയൻ, എ.സി. കൃഷ്ണൻ, കെ.കെ. മുകേഷ്, പി.കെ. അറുമുഖൻ, എ.എസ്. രാധാകൃഷ്ണൻ, കെ.കെ. രാജൻ, എം.കെ. സോമൻ എന്നിവർ പ്രസംഗിച്ചു.
