ഫുഡ് ഫെസ്റ്റ് നടത്തി പണമുണ്ടാക്കി കാരുണ്യത്തിന് സമ്മാനിച്ച് വിദ്യാർത്ഥികൾ
ചങ്ങരംകുളം:ഫുഡ് ഫെസ്റ്റ് നടത്തി പണമുണ്ടാക്കി കാരുണ്യത്തിന് സമ്മാനിച്ച് ഒരുകൂട്ടം വിദ്യാർത്ഥികൾ.കക്കിടിപ്പുറം അൽഫലാഹ് ഇംഗ്ലീഷ് സ്കൂളിലെ വിദ്യാർത്ഥികളാണ് ഫുഡ് ഫെസ്റ്റ് നടത്തി ലഭിച്ച പതിനായിരം രൂപ ചങ്ങരംകുളം കാരുണ്യം പാലിയേറ്റീവ് കെയർ സൊസൈറ്റിക്ക് സമ്മാനിച്ചത്‌.പ്രിൻസിപ്പാൾ മുഹമ്മദ് അൻസാറിൽ നിന്നും കാരുണ്യം ഭാരവാഹികളായ പി.അലി ,കെ.അനസ്,നാസർ പന്താവൂർ എന്നിവർ ഏറ്റുവാങ്ങി.ഒരോ വിദ്യാർത്ഥിയും അവരവരുടെ വീടുകളിൽ നിന്നും വ്യത്യസ്ഥരുചികളിലുള്ള ഭക്ഷണം പാചകം ചെയ്ത് കൊണ്ടുവന്ന് ഫുഡ് ഫെസ്റ്റിൽ വെച്ച് കച്ചവടം നടത്തിയാണ് വിദ്യാർത്ഥികൾ പണം സ്വരൂപിച്ചത്.
