ചങ്ങരംകുളം:സുന്നി മഹല്ല് ഫെഡറേഷൻ നന്നംമുക്ക് പഞ്ചായത്ത് കൗൺസിൽ മീറ്റ് പുന്നക്കൽ ദാറുൽ ഇഹ്‌സാൻ ഇസ്ലാമിക് അക്കാദമി ഓഡിറ്റോറിയത്തിൽ സംഘടിപ്പിച്ചു.പഞ്ചായത്തിലെ വിവിധ മഹല്ല് ഭാരവാഹികളും നേതാക്കളും സംബന്ധിച്ചു .മഹല്ല് നേതൃത്വം അറിഞ്ഞിരിക്കേണ്ട ത്വലാഖ് , ഫസ്ഖ് തുടങ്ങിയ വിഷയങ്ങളിൽ മഹല്ല് ഫെഡറേഷൻ മലപ്പുറം ജില്ലാ ഓർഗനൈസർ ഇസ്മായിൽ ഹുദവി ചെമ്മാട് ഉദ്‌ബോധനം നടത്തി .എസ്എംഎഫ് നന്നംമുക്ക് പഞ്ചായത്ത് പ്രസിഡന്റ് റഫീഖ് ഫൈസി തെങ്ങിൽ അധ്യക്ഷത വഹിച്ച യോഗത്തിൽ എസ്എംഎഫ് പഞ്ചായത്ത് സെക്രട്ടറി ഇബ്രാഹിം മൂക്കുതല സ്വാഗതം പറഞ്ഞു .തെങ്ങിൽ മഹല്ല് ഖത്തീബ് ഹബീബുല്ല ബാഖവി യോഗം ഉദ്‌ഘാടനം നിർവഹിച്ചു .പഞ്ചായത്ത് ഓർഗനൈസർ ഇസ്ഹാഖ് ഹുദവി,എടപ്പാൾ മേഖല സെക്രട്ടറി നൗഫൽ ഹുദവി, ആലംകോട് പഞ്ചായത്ത് സെക്രട്ടറി അബ്ദുൽ റഹ്മാൻ വാഫി, ഷഹീർ ഹുദവി,അബു ഹാജി, മൂസ മുസ്‌ലിയാർ തെങ്ങിൽ സംബന്ധിച്ചു
