ചാലിശേരി യാക്കോബായ സുറിയാനി പള്ളിയിൽ വിശ്വാസ പ്രഖ്യാപന വാഹനവിളംബര റാലിക്ക് സ്വീകരണം നൽകി
ചാലിശ്ശേരി സെൻ്റ് പീറ്റേഴ്സ് ആൻ്റ് സെൻ്റ് പോൾസ് യാക്കോബായ സുറിയാനി പള്ളിയിൽ വിശ്വാസ പ്രഖ്യാപന വാഹന വിളംബര റാലിക്ക് ഞായറാഴ്ച വൈകീട്ട് വമ്പിച്ച സ്വീകരണം നൽകി.കുന്നംകുളം ആർത്താറ്റ് സെൻ്റ് മേരീസ് സിറിയൻ സിംഹാസന പള്ളിയിൽ കബറടങ്ങിയിരിക്കുന്ന പരിശുദ്ധ സ്ളീബ മോർ ഒസ്താത്തിയോസ് ബാവയുടെ 94 മത് ഓർമ്മപെരുന്നാളിൻ്റെ ഭാഗമായാണ് വിശ്വാസ പ്രഖ്യാപന വാഹന വിളംബര റാലി സംഘടിപ്പിച്ചത്.പള്ളിയിലെത്തിയ റാലിയെ ഇടവക വികാരി ഫാ.ഡിൽജോഏലിയാസ് കൂരൻ ,ട്രസ്റ്റി സി.യു.ശലമോൻ , സെക്രട്ടറി ടൈറ്റസ് ഡേവീഡ് എന്നിവരുടെ നേതൃത്യത്തിൽ ഇടവക വിശ്വാസികൾ ചേർന്ന് സ്വീകരിച്ചു.സിംഹാസന പള്ളി വികാരി ഫാ ബാബു ജോസഫ് ധൂപപ്രാർത്ഥന നടത്തി വൈദികരായ ഫാ.സിജി മാത്യൂ ,ഫാ.ജിബിൻ ചാക്കോ ,ഫാ.ബേസിൽ കൊല്ലാർമല്ലി ,ഫാ. എൽദോസ് ചിറക്കുഴിയിൽ എന്നിവർ സംസാരിച്ചു മാർച്ച് 23ന് ശനിയാഴ്ച ഉച്ചയ്ക്ക് 1 30 ന് ആർത്താറ്റ് സിംഹാസന പള്ളിയിലേക്ക് ചാലിശേരിയിൽ നിന്ന് വടക്കൻ മേഖല കാൽനട തീർത്ഥ യാത്രയും നടക്കും
