നിര്‍ത്തിയിട്ട ബസ്സിന് പുറകിലേക്ക് ബൈക്കിനെ കാര്‍ ഇടിച്ച് കയറ്റി
കാഞ്ഞിരക്കോട് നിര്‍ത്തിയിട്ട ബസ്സിന് പുറകിലേക്ക് ബൈക്കിനെ കാര്‍ ഇടിച്ച് കയറ്റി. അപകടത്തില്‍ ബൈക്ക് യാത്രക്കാരന്‍ നിസാര പരിക്കുകളോടെ അത്ഭുതകരമായി രക്ഷപ്പെട്ടു. വടക്കാഞ്ചേരി കുന്നംകുളം റോഡില്‍ ഇന്ന് രാവിലെ 8.30യോടെയാണ് അപകടം നടന്നത്. കുന്നംകുളം ഭാഗത്ത് നിന്നും വരികയായിരുന്ന ബസ് കാഞ്ഞിരക്കോട് ഷാപ്പുംപടി സ്റ്റോപ്പില്‍ ആളെ കയറ്റാന്‍ നിര്‍ത്തിയ സമയത്ത് പുറകില്‍ വന്നിരുന്ന ബൈക്കിനെ തൊട്ടു പുറകില്‍ വന്ന കാര്‍ ഇടിച്ച് കയറ്റുകയായിരുന്നു. ഇടിയുടെ ആഘാതത്തില്‍ ബൈക്ക് യാത്രക്കാരന്‍ ചാത്തന്നൂര്‍ സ്വദേശി താമി ( 57 ) ബൈക്കില്‍ നിന്നും ചാടിയതിനാല്‍ നിസാര പരിക്കുകളോടെ രക്ഷപ്പെട്ടു.താമി വടക്കാഞ്ചേരി ജില്ലാ ആശുപത്രിയില്‍ ചികിത്സ തേടി. അപകടത്തില്‍ കാറിന്റെ മുന്‍വശം തകര്‍ന്നു.
