വേലൂര്‍ സെന്റ് ജോസഫ് കപ്പേളയിലെ ഊട്ട് തിരുനാള്‍ ഭക്തിസാന്ദ്രമായി
വേലൂര്‍ കുറുമാല്‍ സെന്റ് ജോര്‍ജ് ദേവാലയത്തിലെ സെന്റ് ജോസഫ് കപ്പേളയിലെ ഊട്ട് തിരുനാള്‍ ഭക്തിസാന്ദ്രമായി. കഴിഞ്ഞ അഞ്ചുദിവസമായി വൈകുന്നേരം 7 മണിക്ക് സെന്റ് ജോസഫ് കപ്പേളയില്‍ ലദീഞ്ഞ്, നൊവേന, നേര്‍ച്ച വിതരണം എന്നിവ ഉണ്ടായിരുന്നു. തിരുനാള്‍ ദിനമായ ചൊവ്വാഴ്ച വൈകീട്ട് 6 മണിക്ക് സെന്റ് ജോസഫ് കപ്പേളയിലെ ലദീഞ്ഞിനും നൊവേനക്കും ശേഷം കപ്പേളയില്‍ നിന്ന് ഇടവക ദൈവാലയത്തിലേക്കുള്ള തിരുനാള്‍ പ്രദക്ഷിണവും തുടര്‍ന്ന് കെ.എല്‍.എം സംഘടനയുടെ മെമ്പര്‍ഷിപ്പ് വിതരണവും പതാക ഉയര്‍ത്തലും നടന്നു. പിന്നീട് ദേവാലയത്തില്‍ ആഘോഷമായ തിരുനാള്‍ പാട്ടുകുര്‍ബാനയും ഊട്ടു നേര്‍ച്ച ആശിര്‍വാദവും വിതരണവും ഉണ്ടായി. ആഘോഷമായ തിരുനാള്‍ പാട്ടു കുര്‍ബാനയ്ക്ക് തൃശ്ശൂര്‍ കാല്‍വരി ആശ്രമത്തിലെ ഫാ.ട്രിജോ ചക്കാലയ്ക്കല്‍ മുഖ്യകാര്‍മ്മികനായി. ഇടവക വികാരി ഫാ.ഡോ.സേവ്യാര്‍ ക്രിസ്റ്റി പള്ളികുന്നത്ത് സഹകാര്‍മീകനായി. കെ.എല്‍.എം സംഘടനാ ഭാരവാഹികള്‍ക്കൊപ്പം കൈക്കാരന്മാരായ കൊച്ചുദേവസി പി.ജി, വി.എല്‍.തോമസ്, യൂണിറ്റ് ഭാരവാഹികള്‍ തുടങ്ങിയവര്‍ ഊട്ടുതിരുനാളിന് നേതൃത്വം നല്‍കി.
