കെ.ജി.ഒ.എ. ജില്ലാ സമ്മേളനം
തൃശ്ശൂർ : കേരള ഗസറ്റഡ് ഓഫീസേഴ്സ് അസോസിയേഷൻ ജില്ലാ സമ്മേളനം തുടങ്ങി. ചെമ്പുക്കാവ് പൊതുമരാമത്ത് ഹാളിൽ ചേർന്ന സമ്മേളനത്തിൽ ജില്ലാ പ്രസിഡന്റ് പി.എസ്. ജയകുമാർ അധ്യക്ഷനായി. ജില്ലാ സെക്രട്ടറി ഡോ. സുരേഷ് കെ. ദാമോദരൻ, ട്രഷറർ കെ.കെ. സുഭാഷ്, സംസ്ഥാന വൈസ് പ്രസിഡന്റ് പി.പി. സുധാകരൻ, സംസ്ഥാന സെക്രട്ടേറിയറ്റ് അംഗങ്ങളായ കുഞ്ഞിമമ്മു പറവത്ത്, ഐ.കെ. മോഹൻ, സംസ്ഥാനക്കമ്മിറ്റിയംഗങ്ങളായ എ.പി. അജിത്ത്, ഡോ. നിഷ എം. ദാസ് എന്നിവർ പ്രസംഗിച്ചു.
പ്രതിനിധിസമ്മേളനം ഞായറാഴ്ച രാവിലെ എ.സി. മൊയ്തീൻ എം.എൽ.എ. ഉദ്ഘാടനം ചെയ്യും. എഫ്.എസ്.ഇ.ടി.ഒ. ജില്ലാ സെക്രട്ടറി ഇ. നന്ദകുമാർ, കോൺഫെഡറേഷൻ ഓഫ് സെൻട്രൽ ഗവ. എംപ്ലോയീസ് ആൻഡ് വർക്കേഴ്സ് ജില്ലാ സെക്രട്ടറി ഐ.ബി. ശ്രീകുമാർ, കെ.എസ്.ഇ.ബി. ഓഫീസേഴ്സ് അസോസിയേഷൻ ജില്ലാ സെക്രട്ടറി കെ. ജതീന്ദ്രൻ തുടങ്ങിയവർ പങ്കെടുക്കും.
