മറ്റം മാര്‍ക്കറ്റ് റോഡിലെ വിശുദ്ധ യൗസേപ്പിതാവിന്റെ കപ്പേളയിലെ തിരുന്നാള്‍ ആഘോഷിച്ചു
മറ്റം സെന്റ് തോമസ് ഫൊറോന ദേവാലയത്തിന് കീഴില്‍ മാര്‍ക്കറ്റ് റോഡിലെ വിശുദ്ധ യൗസേപ്പിതാവിന്റെ കപ്പേളയിലെ തിരുന്നാള്‍ ആഘോഷിച്ചു. ചൊവ്വാഴ്ച്ച വൈകീട്ട് 7 മണിക്ക് ലദീഞ്ഞ്, നൊവേനേ, നേര്‍ച്ച ഊട്ട് വിതരണം, ജോസഫ് നാമധാരികളെ ആദരിക്കല്‍ തുടങ്ങിയ ചടങ്ങുകള്‍ നടന്നു. തിരുകര്‍മ്മങ്ങള്‍ക്ക് സഹ വികാരി ഫാ.ജോയല്‍ ചിറമ്മല്‍ മുഖ്യകാര്‍മ്മികനായി. ഫൊറോന വികാരി ഫാ.ഷാജു ഊക്കന്‍ തിരുനാള്‍ സന്ദേശം നല്‍കി. മാര്‍ക്കറ്റ് റോഡിലെ ഹോളിഫാമിലി, വി.ഗോണ്‍സാല ഗാര്‍സിയ, വി.ഫ്രാന്‍സീസ് സേവ്യര്‍ എന്നീ കുടുംബ കൂട്ടായ്മകളാണ് പരിപാടികള്‍ക്ക് നേതൃത്വം നല്‍കിയത്. പ്രസിഡണ്ടുമാരായ എം.ഒ.തോമസ്, എം.എ. ജോസഫ്, പി.എഫ്.ജോണി, കുടുംബ കൂട്ടായ്മ ഭാരവാഹികള്‍ എന്നിവര്‍ നേതൃത്വം നല്‍കി. നേര്‍ച്ച ഊട്ടില്‍ നിരവധി വിശ്വാസികള്‍ പങ്കെടുത്തു.
