കുടിവെള്ള സൗകര്യം ഒരുക്കി
പാവറട്ടി : സെയ്ൻ്റ് ജോസഫ്സ് സ്കൂളിലെ പൂർവ വിദ്യാർഥി കൂട്ടായ്മയായ 85 എസ്.എസ്.എൽ.സി. ബാച്ച്മേറ്റ്സ് പാവറട്ടി സെന്ററിൽ തണ്ണീർക്കുടം സ്ഥാപിച്ചു.
കടുത്ത ചൂടിൽ ദാഹിച്ചെത്തുന്ന യാത്രക്കാർക്ക് തണ്ണീർക്കുടം ആശ്വാസമാകും. പാവറട്ടി പഞ്ചായത്ത് അംഗങ്ങളായ വി.കെ. സുബ്രഹ്മണ്യൻ, ജെറോം ബാബു എന്നിവർ ചേർന്ന് തണ്ണീർക്കുടം നാടിന് സമർപ്പിച്ചു.
85 ബാച്ച്മേറ്റ്സ് പ്രസിഡൻ്റ് കെ.വി. ഷാജു അധ്യക്ഷനായി. ജോൺസൺ ജോസഫ്, പോളി ഫ്രാൻസിസ്, മാത്യൂസ് പാവറട്ടി, സതീശൻ, അൻവർ എന്നിവർ പ്രസംഗിച്ചു.
കാലവർഷം ആരംഭിക്കുന്നതുവരെ തണ്ണീർക്കുടം പദ്ധതി വഴി ശുദ്ധജലം നൽകും.
