കോട്ടപ്പുറത്ത് കുന്നിടിച്ച് മണ്ണെടുക്കുന്നത് തടഞ്ഞു
എരുമപ്പെട്ടി : എരുമപ്പെട്ടി പഞ്ചായത്തിലെ കോട്ടപ്പുറത്ത് അനധികൃത മണ്ണെടുപ്പ് തടഞ്ഞ് ടിപ്പർ ലോറിയും മണ്ണുമാന്തി യന്ത്രവും പോലീസ് പിടിച്ചെടുത്തു. വീട് നിർമാണത്തിന്റെ മറവിൽ കുന്നിടിച്ചാണ് മണ്ണെടുത്തിരുന്നത്. ജിയോളജി വകുപ്പിന്റെ അനുമതിയില്ലാതെ മണ്ണെടുത്ത് പുറത്തേക്ക് കടത്തുകയായിരുന്നു.
പിടികൂടിയ വാഹനങ്ങൾ ജിയോളജി വകുപ്പിന് കൈമാറും. എരുമപ്പെട്ടി പോലീസ് എസ്.ഐ. സി. ശ്രീകുമാർ, സി.പി.ഒ. മാരായ കെ. സഗുൺ, അമൽ പൗലോസ് എന്നിവരാണ് അന്വേഷണം നടത്തി മണ്ണെടുപ്പ് തടഞ്ഞത്.
