കക്കാട് ശ്രീ മഹാഗണപതി ക്ഷേത്രത്തിൽ ഉത്സവത്തിന് കൊടിയേറി.
കുന്നംകുളം: കക്കാട് ശ്രീ മഹാഗണപതി ക്ഷേത്രത്തിൽ ഉത്സവത്തിന് കൊടിയേറി.
ക്ഷേത്രം തന്ത്രി ബ്രഹ്മശ്രീ വടക്കേടത്ത് നാരായണൻ നമ്പൂതിരി ചടങ്ങുകൾക്ക് മുഖ്യ കാർമികത്വം വഹിച്ചു. ഉത്സവത്തിന് മുന്നോടിയായി നടന്ന ദ്രവ്യകലശം രാവിലെ നടന്ന ബ്രഹ്മകലശാഭിഷേകത്തോടു കൂടി സമാപിച്ചു. ചൊവ്വല്ലൂർ നൂപുര നാദം തിരുവാതിരക്കളി സംഘം അവതരിപ്പിച്ച മെഗാ തിരുവാതിരയോടു കൂടി ക്ഷേത്രോത്സവ കലാപരിപാടികൾക്ക് തുടക്കമായി. കൊടിയേറ്റത്തിന് ശേഷം കോട്ടക്കൽ പി എസ് വി നാട്യസംഘം അവതരിപ്പിച്ച സന്താനഗോപാലം കഥകളിയും അരങ്ങേറി. ചടങ്ങുകൾക്ക് ക്ഷേത്രം പ്രസിഡണ്ട് കെ കെ സുബിദാസ്, സെക്രട്ടറി സുനീഷ് അയിനിപ്പുള്ളി, ട്രഷറർ ഭാസ്കര കുറുപ്പ്, എന്നിവർ നേതൃത്വം നൽകി
