യുവാവിനെ വെടിവെച്ച് വീഴ്ത്തിയ ശേഷം വെട്ടിക്കൊന്നു
പുനെ: യുവാവിനെ തലയില്‍ വെടിവച്ച് വീഴ്ത്തിയ ശേഷം വെട്ടിക്കൊലപ്പെടുത്തി. മഹാരാഷ്ട്രയിലെ പുനെയിലാണ് സംഭവം. വസ്തു ഇടപാടുകാരനായ അവിനാഷ് ബാലു ധന്‍വേ (34) ആണ് കൊല്ലപ്പെട്ടത്.
വൈകിട്ട് പുനെ- സോലാപുര്‍ ഹൈവേയ്ക്കരികിലുള്ള ഒരു ഹോട്ടലിലാണ് ക്രൂരമായ കൊലപാതകം അരങ്ങേറിയത്. ഇതിന്റെ സിസിടിവി ദൃശ്യങ്ങള്‍ പുറത്തു വന്നിട്ടുണ്ട്.അവിനാഷ് മറ്റു മൂന്ന് സുഹൃത്തുക്കള്‍ക്കൊപ്പം ഹോട്ടലില്‍ ഫോണ്‍ വിളിച്ചിരിക്കുന്നത് ദൃശ്യങ്ങളില്‍ കാണാം. അതിനിടെ രണ്ട് പേര്‍ ഹോട്ടലിലേക്ക് കയറി വന്നു. അതില്‍ ഒരാള്‍ കൈവശമുണ്ടായിരുന്ന പ്ലാസ്റ്റിക് കവറില്‍ നിന്നും മറ്റൊരാള്‍ പാന്റ്‌സിന്റെ പോക്കറ്റില്‍ നിന്നും തോക്കെടുത്തു പിന്നിലൂടെ എത്തി അവിനാഷിന്റെ തലയ്ക്ക് വെടിയുതിര്‍ക്കുകയായിരുന്നു.ഇതിന് പിന്നാലെ പുറത്തു നിന്നു കൂടുതല്‍ പേര്‍ വടി വാളുമായി എത്തി വെട്ടിക്കൊലപ്പെടുത്തുകയായിരു്ന്നു
അവിനാഷിന്റെ മരണം ഉറപ്പാക്കിയാണ് സംഘം ഹോട്ടലില്‍ നിന്നു ഓടി രക്ഷപ്പെട്ടത്. അവിനാഷിനു ഒപ്പമുണ്ടായിരുന്നവരെ സംഘം ആക്രമിക്കുന്നില്ല. ഇവര്‍ ഓടി രക്ഷപ്പെട്ടു. രണ്ട് സംഘങ്ങള്‍ തമ്മിലുള്ള വൈരാഗ്യമാണ് കൊലയിലേക്ക് നയിച്ചതെന്നു പ്രാഥമിക വിവരമെന്നു പോലീസ് പറഞ്ഞു
