അകലാട് നിയന്ത്രണം വിട്ട കാര്‍ ഡിവൈഡറിലിടിച്ച് രണ്ടു പേര്‍ക്ക് പരിക്കേറ്റു
പുന്നയൂര്‍ക്കുളം അകലാട് നിയന്ത്രണം വിട്ട കാര്‍ ഡിവൈഡറിലിടിച്ച് രണ്ടു പേര്‍ക്ക് പരിക്കേറ്റു. കാര്‍ യാത്രികരായ ഇരിങ്ങാലക്കുട സ്വദേശി മനകുളങ്ങര പറമ്പില്‍ നവാസ്, കാട്ടൂര്‍ സ്വദേശി സിനാന്‍ എന്നിവര്‍ക്കാണ് പരിക്കേറ്റത്. ചാവക്കാട് പൊന്നാനി ദേശീയപാതയിലെ അകലാട് സ്‌കൂളിന് സമീപമായിരുന്നു അപകടം. ദേശീയ പാത നിര്‍മാണവുമായി ബന്ധപ്പെട്ട് താല്‍ക്കാലികമായി ഒരുക്കിയിരിക്കുന്ന ഉപറോഡിലേക്ക് കടക്കുന്നതിനിടെയാണ് നിയന്ത്രണം വിട്ട കാര്‍ ഡിവൈഡറിലിടിച്ചത്. അപകടത്തില്‍ പരിക്കേറ്റ ഇരുവരേയും അകലാട് മൂന്നയിനി വി-കെയര്‍ ആംബുലന്‍സ് പ്രവര്‍ത്തകര്‍ ചാവക്കാട് ഹയാത്ത് ആശുപത്രിയിലും തുടര്‍ന്ന് വിദഗ്ധ ചികിത്സക്കായി തൃശൂരിലെ സ്വകാര്യ ആശുപത്രിയിലും പ്രവേശിപ്പിച്ചു.
