പതിനാറ് വര്‍ഷത്തെ കഠിനാധ്വാനം ഈ സിനിമയില്‍ കാണാം’; ആടുജീവിതത്തെ പ്രശംസിച്ച് റിഷബ് ഷെട്ടി
ബ്ലെസിയുടെ സംവിധാനത്തില്‍ പൃഥ്വിരാജ് നായകനായി എത്തിയ ചിത്രം ആടുജീവിതം പ്രേക്ഷക പ്രീതി നേടി നിറഞ്ഞ സദസില്‍ പ്രദര്‍ശനം തുടരുകയാണ്. ഇപ്പോഴിതാ സിനിമയെ പ്രശംസിച്ച് കന്നഡ താരം റിഷബ് ഷെട്ടി എത്തിയിരിക്കുകയാണ്. പതിനാറ് വര്‍ഷത്തെ അധ്വാനം ആ സിനിമയില്‍ കാണാനുണ്ടെന്നും പൃഥ്വിരാജിന്‍റെ ഡെഡിക്കേഷന്‍ വിസ്മയിപ്പിക്കുന്നതാണെന്നും അദ്ദേഹം എക്‌സ് പ്ലാറ്റ്‌ഫോമില്‍ കുറിച്ചു.
സംവിധായകന്‍ മണിരത്‌നവും ചിത്രത്തെ പ്രശംസിച്ച് രംഗത്തെത്തിയിരുന്നു. സിനിമ അവസാനിപ്പിച്ച രീതി അദ്ദേഹത്തിന് ഇഷ്ടമായെന്ന് പറഞ്ഞ് പൃഥ്വിരാജിന് അയച്ച മെസേജിന്റെ സ്‌ക്രീന്‍ഷോട്ട് പൃഥ്വി പോസ്റ്റ് ചെയ്തിരുന്നു.
