ഭൗമ മണിക്കൂര് ആചരിക്കാന് ആഹ്വാനം; ഇന്ന് രാത്രി ഒരു മണിക്കൂര് അത്യാവശ്യമില്ലാത്ത വൈദ്യുത ഉപകരണങ്ങള് പ്രവര്ത്തിക്കരുത്
തിരുവനന്തപുരം | സംസ്ഥാനത്ത് ഇന്ന് ഒരു മണിക്കൂര് ഭൗമ മണിക്കൂര് ആചരിക്കാന് ആഹ്വാനം ചെയ്ത് വൈദ്യുത മന്ത്രി കൃഷ്ണന് കുട്ടി. ഇന്ന് രാത്രി 8.30 മുതല് 9.30 വരെ അത്യാവശ്യമല്ലാത്ത എല്ലാ വൈദ്യുത ഉപകരണങ്ങളും ഓഫ് ചെയ്യാന് മന്ത്രി ഫേസ്ബുക്ക് കുറിപ്പില് ആവശ്യപ്പെട്ടു.
അത്യാവശ്യമല്ലാത്ത എല്ലാ വൈദ്യുത വിളക്കുകളും ഉപകരണങ്ങളും ഈ ഒരു മണിക്കൂര് സമയം ഓഫ് ചെയ്ത് നമ്മുടെ ഭൂമിയെ ആഗോളതാപനത്തില് നിന്നും കാലാവസ്ഥാ വ്യതിയാനത്തില് നിന്നും രക്ഷിക്കാനുള്ള ആഗോള സംരംഭത്തില് പങ്കാളികളാകാമെന്നും മന്ത്രി കുറിപ്പില് വ്യക്തമാക്കി
\ആഗോള താപനത്തിനെതിരെ കേരളത്തില് എല്ലാ വര്ഷവും ഭൗമ മണിക്കൂര് ആചരിക്കാറുണ്ട്. ഭൂമിയെ സംരക്ഷിക്കുകയെന്ന സന്ദേശവുമായി വേള്ഡ് വൈഡ് ഫണ്ട് ഫോര് നേച്ചറാണ് ഈ സംരഭം ആരംഭിച്ചത്. 190ല്പരം ലോകരാഷ്ട്രങ്ങള് എല്ലാ വര്ഷവും മാര്ച്ച് അവസാന ശനിയാഴ്ച ഒരു മണിക്കൂര് വൈദ്യുത വിളക്കുക്കള് അണച്ച് സംരംഭത്തില് പങ്കുചേരുന്നു.
മന്ത്രിയുടെ ഫേസ്ബുക്ക് കുറിപ്പിന്റെ പൂര്ണ രൂുപം:
ഇന്ന് രാത്രി 8:30 മുതല് 9:30 വരെ ഭൗമ മണിക്കൂറായി ആചരിക്കാം. അത്യാവശ്യമല്ലാത്ത എല്ലാ വൈദ്യുത വിളക്കുകളും ഉപകരണങ്ങളും ഈ ഒരു മണിക്കൂര് സമയം ഓഫ് ചെയ്ത് നമ്മുടെ ഭൂമിയെ ആഗോളതാപനത്തില് നിന്നും കാലാവസ്ഥാ വ്യതിയാനത്തില് നിന്നും രക്ഷിക്കാനുള്ള ആഗോള സംരംഭത്തില് പങ്കാളികളാകാം.
ഭൂമിയെ സംരക്ഷിക്കുക എന്ന സന്ദേശവുമായി വേള്ഡ് വൈഡ് ഫണ്ട് ഫോര് നേച്ചര് ആരംഭിച്ച ഈ സംരംഭത്തില് 190ല്പ്പരം ലോകരാഷ്ട്രങ്ങള് സാധാരണയായി എല്ലാ വര്ഷവും മാര്ച്ച് മാസത്തിലെ അവസാനത്തെ ശനിയാഴ്ച ഒരു മണിക്കൂര് പ്രതീകാത്മകമായി വൈദ്യുതി വിളക്കുകള് അണച്ച് പങ്കുചേരുന്നു. എന്നാല്, ഇത്തവണ മാര്ച്ച് 23 ന് ഭൗമ മണിക്കൂര് ആചരിക്കാനാണ് ആഹ്വാനം.
വൈദ്യുതി ഉപയോഗം ക്രമാതീതമായി ഉയരുന്ന ഈ കാലഘട്ടത്തില് ഭൗമ മണിക്കൂര് ആചരണത്തിന് വലിയ പ്രസക്തിയുണ്ട്
